Vou defender a intervención de onte no debate do Estado da Nación que realizamos desde IU. Foi dura e sen ambigüidades. Eu só diría, como xa comentei no meu facebook, que o perfil de esquerdas perdéuno o PSOE (e polo tanto, tamén os seus satélites estatais) hai xa máis de 30 anos.
Deixo o enlace da súa intervención eiquí, que recollo de Público, porque penso que ilustra moi ben por onde debemos camiñar os que somos radicalmente de esquerdas:
http://www.publico.es/espana/327899/liquidacion/perfil/izquierdas
Se ollades o xornal que denomino La Coz, veredes que mesmo a escala estatal seguen silenciando á forza parlamentaria de IU. Un silencio terrible, cómprice con moitas tácticas e estratexias.
***
E paréceme atinado que o BNG acuse ao goberno de dereita económica...; pero ollo, e aquí quero incidir, tamén o era en Galicia hai un par de anos e algo máis e algo menos...
E, na liña da intervención de Jorquera, mesmo, ousaría dicir algo que me ten preocupado moito: o discurso do BNG -que non a posición- a nivel de Estado resulta sorprendentemente coincidente co de IU...E poden negar o que queiran, pero hai moitas analoxías discursivas.
Acaso non sorprende que nesta nova xeira -postbipartita- se dea a distancia precisa na elaboración do discurso con respecto a PNV-CIU?
Claro está que nós imos máis aló, se falamos de posición, máis á esquerda....na reforma da lei electoral, por coller un único exemplo (que non quixo tocarse en Galicia durante a curta era bipartita e que a nivel estatal coñeceu o bluf da comisión que non quixo tratar o esencial e si, unicamente, impedir o voto aos galegos e galegas da emigración nas municipais).
***
E sobre a fusión de caixas sigo defendendo o que defendín ante compañeiros e compañeiras: era un previo paso necesario para o caramelo da bancarización e eliminación do fin social. Imos cara atrás: en vez de avanzar no proceso de democratización e de participación social nas caixas...imos cara a súa mera bancarización e, polo tanto, privatización.
15-xullo-2010
Aucun commentaire:
Enregistrer un commentaire